هقول لا علشان من حقى احلم ببلدى تتغير للاحسن

]هقول لا عشان من حقي احلم بلدي تتغير للاحسن

هقول لا عشان مش عايز مجلس شعب فاسد مسلوق انتخبه الفساد والجهل والتعصب هو اللي يقررلي دستور بلدي

هقول لا عشان بالفطرة الفساد والارهاب ميجتمعوش علي حق

هقول لا عشان انا انسان عندي مخ مش ماشية زي النعجة بالسمع و الطاعة

هقول لا عشان انا منستش الغش والفساد والسرقة ومنستش الارهاب والقتل والتعصب و التطرف

هقول لا عشان عايز بلدي تبقي متقدمة ومتطورة وعادلة بين كل المواطنين

هقول لا عشان انا انسان مش خايف من الحق ومن العدالة ومش خايف من ان بلدي متفرقش بين المصريين لاني مش عايز اظلم حد

هقول لا عشان احنة تعبنا في شهرين فاتوا وحرام النتيجة تكون مجلس شعب ميعبرش عن الشعب المصري وفي الاخر هو اللي يعمل الدستور

هقول لا لاني مسلم مش عايز اقهر غير المسلمين في بلدي وعايزهم يتعاملوا زي ما انا بتعامل

هقول لا لاني مسلم مش عايز كل استفتاء او انتخابات جماعات تحتل القران والسنة وتحتكره لوجهة نظرها السياسية وتكفر اللي بيقول شئ مخالف لهم

هقول لا عشان عايز لما اطلب علم اطلبه في بلدي من غير ما اسافر واهاجر عشان احصل علي علم متقدم

هقول لا عشان انا مش جبان ومش خايف من التجربة ومش عايز اسرق حق حد ومش خايف من دستور يحقق العدل

هقول لا عشان اللي ماتوا ماتوا وهما بيقولوا تغيير حرية عدالة اجتماعية واهم تغيير هو الدستور اللي يحقق الحرية والعدالة الاجتماعية

هقول لا عشان لما بمشي في شوارع مصر وبشوف الفقرا بحس ان من حقهم يعيشوا زي ما انا عايش وعشان عايز اولادهم يدخلوا مدرسة كويسة ويروحوا مستشفي نضيفة

هقول لا عشان عايز بلدي تتحرر من الجهل والتخلف والتعصب والفساد وعايز بلدي تبقي احسن بلد ومجتمعي يبقي متطور

هقول لا لان من حق المصريين دستور عادل يشارك فيه كل المصريين مش يتحكم فيه مجلس شعب كلنا عارفين ايه اللي بيحصل اثناء الانتخابات بالاسلوب الفردي من شراء اصوات واستغلال الدين واستغلال العصبيات القبلية

هقول لا عشان دستور بلدنا لازم يشارك فيه كل اولاد بلدنا وميفرقش بينهم

هقول لا رغم اني عارف ان معركة العلم مع الجهل بتخسر في معظم الاوقات

هقول لا رغم اني شايف التحريض علي نعم من نفس اللي خربوا مصر فكريا واجتمعوا بعد ما عملوا انهم مفترقين

هقول لا عشان انا مش بس ضد الافساد المالي والاداري لكن انا كمان ضد الافساد الفكري واحتكار الدين تلويث العقول بالجهل والتعصب

هقول لا عشان بحلم بمصر نضيفة في كل معاني النضافة

هقول لا

ومليون لا

لاني بحب مصر وعايز مصر تبقي بلد متقدمة

وانا معاك يا ابوصلاح هقول لأ

عشان نكمـــــــــــــــــــل لازم نقول ( لآ )
انا وانت وكل الشباب

انا ابن البلد دي