بلاغ لمخالفات وزارة الداخلية

إلي المجلس الاعلي للقوات المسلحة
السيد الدكتور /رئيس مجلس الوزراء
السيد / المستشار النائب العام
السيد / اللواء وزير الداخلية
نحيط علم سيادتكم بعض المخالفات المالية والانضباطية للعمل وغيرها.......؟
اولاً: المخالفات في العمل
1- عدم حضور السيد العميد /عبدالجليل عبد الحميد رئيس قسم شرطة النقل والمواصلات بالزقازيق والسيد العميد منصور جمال الدين لاشين رئيس المباحث لللقسم ويقوم امين شرطة عثمان علي النجدي عبدالغفار بأثبات بند حضور لهم في دفترالاحوال بصفة مستمرة ومتقطعة نظراً لانشغالهم بأعمالهم الخاصة وعدم حضور بعض الافراد للعمل نهائياً ويحضرون بمعرفة المساعد ط/ ابراهيم محمد علي وغيرهم برجاء مطابقة الخطوط للتأكد ودة قبل الثورة وبعدها وحتي الان علي علم رئيس القسم.
2- يعمل المساعد شرطة / عبدالنبي احمد محمد مصباح منذ حوالي اربعة اعوام تقريباً علي السيارة الخاصة بالمزرعة والمطحن الملوكة للسيد رئيس القسم ولم نراة الاعند قبض المرتب فقط ويتم تحضيرة بمعرفة المعين علي دفتر الاحوال بالتليفون يومياً حتي تاريخة .
3- ً : الاستخدامات الغير قانونية لشعار الجمهورية
بالنسبة لشعار الجمهورية يترك مع الافراد ومنهم امين شرطة / احمد السيد محمد خليل وامين شرطة امام نبية امام محمد وغيرهم وعلية يقوموا بختم بعض الاوراق المخالفة قانوناً دون علم رئيس القسم ومنها ختم اوراق خاصة بالبدل مع مجند بالقسم واعطاء الاوراق المختومة للاهالي عن طريق الامين امام نبية امام دون علم سيادتة والورق مع المأمور بمكتبة الخاص حتي لايعلم احد برجاء التأكد من هذا .
4- : عدم المرورات علي الخدمات والمحطات .
ويقوم المساعد / صلاح عبد العزيز على الشويني بالمرور بدل من سيادتة إذا مر علي المحطات. اما طوابير الدرس فالحضور قليل جداً للسادة الضباط ولايمكن توعية الافراد بالظروف الراهنة برجاء التحري عن ذلك .
ثانياً :المخالفات المالية .
يوجد بالقسم عدد 4 سيارات شرطة منها عدد2 معطل ويصرف للسيارة 18 بون في الشهركل بون به 30 لتر بنزين بمعدل 72 بون في الشهراجمالى2160لتربنزين في الشهر فكم في العام وتكون بحوزة امين شرطة عثمان على النجدي ويعطي زملائة منها وبعض الاهالي بمعرفة رئيس المباحث والمأمور كهدايا ..........
ويصرف ايضاً عدد 2 جركن زيت للموتور ويوجد بالجر كن 20 لتر يعني 40 لتر زيت في الشهر ولا توضع في السيارات وتوزع بمعرفت الضباط ويوضع بدل منة زيت للسيارات من السكة الحديد .
• تم تجديد ( ليس بناء ) عدد 4 حمامات حوالي 1م×1م وصرف لها 14 الف جنية اربعة عشر الف جنية مصري لمقاول يخص امين شرطة عثمان على النجدي علي الرغم من ان المواد المستخدمة في التجديد ( العمالة – الرمل – الاسمنت – وغيرها ) من السكة الحديد من الهندسة وهى ملك السكة الحديد وليس ضمن المناقصة .
• يتم تحرير مذكرات شرطة بدون رسوم بدفترالقضايا للمعارف ومنذ اعوام وتعتبر مخالفة مالية برجاء فحص دفتر قيد القضايا .
• أما عهدة القسم من المنظفات فجميعهم لمنزل الضباط عن طريق أمين شرطة / هشام غريب متولى إبراهيم رجاء الفحص .
• يوجد بالقسم دفتران أحوال إحداهما للقسم والأخر للمباحث علي الرغم من التنبيه على ذلك من مفتشين الداخلية .
التعديات علي أملاك السكة الحديد
هناك علاقة سلبية في التعديات على أملاك السكة الحديد يتوسطها العميد / عبدالجليل عبدالحميد والعميد / منصور لاشين

رجاء الاهتمام لان القسم شبة خالي من الضباط حضورهم يكون بالتناوب مع بعضهم


---------------------------------------------------------------------------
البريد الإلكتروني للمرسل: mohammedsaid7@yahoo.com

متى ينزع هذا الفساد من النفوس

لماذا فشلت الثورة

الثورة فشلت يوم مال شهيد مات وأهله انضربو وسكتنا واتفرجنا عليهم

الثوره فشلت يوم قيل على الثوار أنهم خونه وعملاء اللي منهم 6 ابريل واللي قال كدا المجلس العسكري اللي المفروض يبقى معانا ويحمي الثوره

الثوره فشلت لما الإخوان نزلو مظاهرة 8 يوليه وماعتصموش

الثوره فشلت لما كل متظاهر بيتحاكم عسكري والفاسدين بيتحاكمو محاكمه مدنيه

الثوره فشلت لما وزير الداخليه غير خطوط الكهربا اللي في السجن بفلوس الضرايب بتاعتنا عشان يوصل التكيف للبهوات

الثوره فشلت لما وزير الداخليه قال احنا معندناش قناصه قتلت المتظاهرين يوم 28 يناير

الثوره فشلت لما بعد 6 شهور الامن لسه مانزلش الشارع عشان نتعاقب على ثورتنا وتبقى الثوره هيا السبب في الانفلات

الثوره فشلت لما المجلس العسكري قعد يمن على الثوار بانه اللي حمى الثوره وهوا السبب في نجاح الثوره في وقت من

غير الثوره كان لسه المشير واللوئات بيعظمو لمبارك ولجمال كمان من بعده

الثوره فشلت لما كان اقصى امانينا في الثوره اننا نشوف مبارك في القفص

الثوره فشلت لما اتلغت قضية قطع الاتصالات واختفى الكلام فيها ليه ومن مصلحة مين مش عارفين

الثوره فشلت لما اتقسمنا في استفتاء واللي قال نعم زي اللي قال لا

الثوره فشلت لما اتوقف حكم رفع اسم المتهم مبارك من على المنشأة العامه الحاجه اللي مستحيل نشوفها في دوله متقدمه يعني مدرسه باسم حاكم او شارع باسم حاكم

الثوره فشلت لما سكتنا اما خدو ضباظ 8 ابريل من وسطنا وسكتنا واتفرجنا عليهم وقلنا دول خونه ولازم يتحاكمو

الثوره فشلت لما كل يوم نشطاء يتحاكمو محاكمه عسكريه واحنا ساكتين وبنتفرج ونقول احسن خلي البلد تهدى

الثوره فشلت لما اخواتنا ماتو على الحدود وبقى اققل حقوقنا نسحب سفيرنا ونطر سفير الكلاب وقلنا دي علاقات

دبلوماسيه دم اخواتننا اققل من علاقتنا الدبلوماسيه والمعاهدات

الثوره فشلت لما رجعنا تاااااااااااااني نسمع في كل البرامج الناس اللي اتعذبت واتهانت واتخطفت ونفضل نهاتي ونقول

ياناس ياخلق رجعنا نفس الوضع اللي كان قبل 25 يناير بالظبط

الثوره فشلت لما الناس تفطر في التحرير ويتفض اعتصامهم والشعب هلل وقال هييييه هما دول اللي موقفين حال البلد

لان الاعلام مفهمهم ان الاعتصام هوا اللي مبوظ حال البلد وموقف عجلة الانتاج

بس لعلمكم احنا معندناش عجلة انتاج احنا دوله مستهلكه….فانوس رمضان بناخده من الصين

الثوره فشلت
لان اول مانزلنا قولنا عيش …حرية …عدالة اجتماعية… بعد 7 شهور لا جيبنا حق الشهداء ولا حققنا اللى ماتوا عشانه

الثوره فشلت والي مش عايز يصدق مايصدقش بس هيا دي الحقيقه ….. عشان كدا انا نازل يوم 9/9

انا هكمل المشوار مش عشاني بس لا عشان ولادي مش عايزهم اما يجو يكبروا فى حكم مبارك جديد

مش عايزاهم يكرهو مصر